O Guiti deixa dous puntos nun partido no que foi superior

SD Guitiriz vs Abadín

Os pupilos de Delfín dispuxeron das mellores ocasión e tiveron o balón gran parte do partido, pero o pouco acerto de cara a porta e a boa defensa rival, que foi moi contundente e moi intensa, cun xogo duro e defensivo dende que se puxeron por diante no marcador.
A primeira parte comezou con dominio do Guiti, e cun Abadín que defendía bastante repregado, con moito xogo no centro do campo e poucos achegamentos á área, sendo as ocasión máis claras para os locais, en internadas por banda e sobre todo en balóns parado, baza que empregaron os locais durante todo o partido debido ás dificultades dos visitantes neste tipo de acción, con César e Tony como principais rematadores, que conectaron co balón nalgunha ocasión, que case remata dentro.
No tempo de lecer, Delfín fixo o único cambio dos nosos no partido, sacando a Pereira para dar entrada a Jordy, que ocupou a posición de dianteiro, deixándolle a carril esquerdo a Antón. No inicio da segunda metade, as sensacións foron moi parecidas as do visto na primeira parte, con dominio local, pero sen crear demasiado perigo ante unha boa defensa. Foi no minuto cincuenta e sete cando, tras un despexe de César de cabeza, Diego Rico conecta de primeiras un gran golpeo que supera a Jesús, que non pode facer nada por deter o esférico, que se cola na portería, poñendo por diante ao Abadín.
Subiron a intensidade os nosos dende o saque de centro, con máis velocidade no xogo e cun xogo máis directo, buscando a área tanto con pases rasos como con centros. Nun destes lances, no sesenta e tres, a zaga abadinense derriba a un xogador local, e o colexiado sinala penalti, que convertía Antón en dúas ocasións, debido a que tivo que ser repetido por invasión de área.
Tra-lo empate, o Guiti seguía coa iniciativa ofensiva, ante un Abadín que firmaba o empate e defendía con uñas e dentes o marcador pese a quedar aínda máis de media parte por xogarse. As ocasións si que chegaron nos compases finais, téndoas claras, como un tiro de Labrada, un remate de cabeza de Óscar no saque dunha falta, múltiples saques de curruncho e sobre todo unha ocasión de Jordy, que recibe un balón a media altura preto da portería, que marcha por enriba do traveseiro, acabando o partido co empate a uns.
Os nosos viaxan o domingo á Lomba, onde terán un partido moi complicado ante o Meira, invicto e líder da liga a día de hoxe.

Tropezo inicial para os nosos en Muimenta

Muimenta vs SD Guitiriz | 2021-2022 2ª Aut

O equipo senior caeu ante a S.D. Muimenta a volta da Segunda Rexional despois dunha tempada e media de parón. O encontro disputouse no Pichón, onde os locais conseguiron un resultado moi favorable ao gañar por catro a dous, a pesares de que os nosos nunca lle perderon a cara ao partido e tiveron opcións ate o final.
O partido comezaría con dominio do Muimenta, pero con máis acercamentos perigosos por parte dos nosos, que atopaban profundidade polas bandas con Pereira e Novo, e que tiñan a Javi como referencia no medio, intentando internadas para atopar unha boa posición de disparo.
Porén, serían os locais os que comezarían marcando, aproveitando dous erros para facer, no minuto vinte e cinco o un a cero, e de seguido, no vinte e nove, o dous a cero, ambos obra do capitán, Hugo Engroba, que aproveitou dous pases atrás para bater a Jesús con tiros que non lle daban opción ao meta de Os Vilares.
Os nosos non lle perdían a cara ao partido e tentaban ter o balón e reducir a desvantaxe antes do descanso. O gol chegaría no corenta e catro, nunha internada de Javi na área na que, tras superar a varios rivais, poñía o dous a un cun tiro pegado ao pao largo de Noche, que non podía facer nada por evitalo, chegando así ao tempo de lecer cun gol de desvantaxe.
Para a segunda parte, retirábanse Pereira, que tiña molestias, e Oscaría, e ingresaban no terreo de xogo Jose e Labrada. Tra-lo descanso, os locais saían máis enchufados ao partido e no minuto corenta e sete, era de novo Hugo Engroba quen remataba un bo centro atrás e facía o tres a un, que deixaba o partido complicado para os visitantes.
Os nosos incrementaban a intensidade e centrábanse no ataque para reducir diferenzas canto antes, contando con bos balóns á area, un deles rematado por Jaba, sen encontrar portería. Seguían tamén as complicacións, esta vez coa lesión de Jose vinte minutos despois de ingresar no terreo de xogo, entrando no seu lugar Diego Castro, unha opción moi ofensiva, buscando a remontada.
Foi así como no minuto sesenta e seis, pouco despois do cambio, Mauro tiraba de intelixencia e sacaba rápido unha falta dende a frontal para deixar só a Labrada diante da portería, poñendo o tres a dous, e dándolle forzas aos nosos. Tra-lo gol, o Muimenta encerrouse atrás e comezou a perder tempo, defendendo con case todo o equipo metido en campo propio. Aínda así, as ocasioóns chegaban, e unha das máis claras tívoa Antón, que cun tiro alto estivo a piques de sorprender ao meta local, que tivo dificultades para atallar o balón.
Xa nos últimos cinco minutos, as complicacións ían un paso máis alá coa expulsión de Javi por dobre cartón amarelo no minuto oitenta e oito de partido, quedando así o equipo con só dez xogadores. Dous minutos despois, nunha contra dos locais, Edu Seivane facía o catro a dous empurrando o balón despois dun pase que o deixaba só diante da portería.
Finalmente, o encontro acabaría en catro a dous, resultado que deixa un moi mal sabor de boca para os nosos. Na vindeira xornada, o Guiti recibe ao Abadín na volta da Segunda Rexional ao Suso Cruz.

Punto e final á tempada 19/20

SD Guitiriz Xuvenil

Fai uns días a FGF fixo pública a resolución na que se deu por rematada, polo menos no ámbito deportivo, a tempada 2019/2020.

A grandes rasgos quedan como definitivas as clasificacións tal e como estaban no momento do parón, ascenden os conxuntos que nese momento ocupaban as posicións de ascenso. Descenderán os que nesa data xa o tiveran feito de xeito matemático.

Unha tempada atípica, que nos deixa un sabor agridoce na forma de poñerlle fin pero que podemos a grandes rasgos dar por boa ao ter cumprido o obxectivo primordial do noso club.

Tamén aproveitamos para felicitar a todos os que competimos nesta difícil tempada e de xeito especial aos conxuntos que acadaron o ascenso de categoría.

Toca pechar a tempada e seguir traballando na vindeira, será difícil por todas as incertezas que nos presenta esta situación pero de seguro moi pronto poderemos voltar á «normalidade» e por suposto tamén gozar dos nosos deportes favoritos.

Non podemos esquecernos dos nosos socios, simpatizantes, institucións, empresas, hostalería e comercio en xeral do noso concello que seguen fomentando e facendo posible co seu apoio a práctica deportiva da nosa entidade. Tamén as que sen ter a súa sede aquí apostan por colaborar con nós.

Recoñecemento aos nosos adestradores e colaboradores pola súa labor e tamén pola súa implicación no proxecto. Por suposto tamén as familias que confiades no noso club para a práctica deportiva dos vosos fillos e fillas.

Para o final, non por menos importante, a máxima gratitude a cada un dos nosos xogadores. Son e serán sempre a alma e razón de ser da SD Guitiriz.

Agárdanos unha ilusionante tempada na que seguiremos medrando, tempada que nos traerá importantes novidades e que debemos afrontar dende o descoñecemento pero co maior dos ánimos, o esforzo merecerá a pena. 

Moito ánimo e forza a todos.

Igualada sen goles ante o Cospeito

SD Guitiriz vs Cospeito. Primeiro Equipo

Voltaba na tarde do domingo a 2ª Rexional ó Suso Cruz, para enfrontar ó primeiro equipo ante o Cospeito na vixésima xornada de liga.

O partido comezaría de xeito impreciso para ambos conxutos, que fallaron bastantes pases e ningún dos dous puido facerse co control do partido.

Malia a imprecisión dos primeiros intres, o paso dos minutos axudaría a ambas escadras a sentirse máis cómodas sobre o terreo de xogo e non tardarían en chegar as primeiras ocasións.

Jesús estivo impenetrable para manter a súa porta pechada, e a piques estivo Ansede de abrir o marcador despois dun bo centro de Antón, mais o remate saiu desviado.

Diego Alvariño foi capaz de xerar perigo na área contraria en varias ocasións aínda que o gol seguiría sen entrar.

Non obstante, o Cospeito puido tamén adiantarse no electrónico, mais a zaga local amousouse moi segura para impedi-lo.

A última ocasión do primeiro tempo sería dobre, a primeira sairía das botas de Labrada cun gran chut dende a frontal que acabaría batendo no traveseiro, o rexeite puido rematalo de novo Óscar pero o cabezazo acabou saíndo pola dereita da portería.

Tra-lo tempo de lecer a tónica do partido seguiría a ser semellante á da primeira metade, pero o transcorrer do encontro acabaría partindo ós dous equipos, polo que se xeraron máis espacios e voltaron as ocasións.

Tívoa de novo Ansede nun bo balón colgado por Pablo, pero o remate sairía por riba da portería.

A decisión técnica de executar o sobre troco axudaría ó equipo a reforzar o mediocampo introducindo pernas frescas. (Jordi por Óscar e Miguel por Antón, 60’)

Voltaría ser Alvariño quen dispoñera dunha nova ocasión de perigo tras unha longa xogada individual polo carreiro dereito, o golpeo non foi o suficientemente preciso para bater o gararredes visitante.

Preto do pitido final do colexiado Abdelouadoud Boutzakate chegaría a derradeira e máis clara ocasión de perigo a prol do cadro guitiricense, o balón caeríalle dentro da área a Labrada, que tras desfacerse ben do seu defensor, puido chutar con forza, mais o disparo sairía demasiado cruzado.

A peor noticia chegaría no tempo de desconto, onde Javi tería que ser sustituído debido as molestias na parte posterior do muslo dereito, que arrastraba do adestramento do venres. (Diego Castro por Javi, 90’)

Finalmente, as táboas repartirían un punto que saben a pouco para dous equipos pouco acertados de cara a porta. Na vindeira fin de semana, o Guiti viaxará a Goiriz para desputar a vixésima primeira xornada de liga.

O Xuvenil vendeu cara a súa derrota ante o líder

CD Foz vs SD Guitiriz. Xuvenil

O Xuvenil perdeu 3-1 na súa visita a Foz, todo nun encontro no que competiu moi ben e no que o penalizou o arranque da segunda metade.

Tras uns primeiros minutos de asentamento o Xuvenil mostrou unha cara valente, cunha presión moi alta que fixo que os locais tiveran moitos problemas no inicio do xogo. Co paso dos minutos o conxunto medrou en confianza e comezou a chegar en rápidas transicións á meta local. Preto do descanso Vizo non puido superar no un para un ao meta local pero o rexeite convertiuno Paulo no 0-1.
O comezo da segunda metade, trouxo un arranque moi forte do Foz, que non foi quen de parar o noso conxunto e que significou poñerse con desvantaxe no marcador en apenas uns minutos. Cando peor pintaba foi quen de reorganizarse e axustar mellor a nova proposta dos locais, e pouco a pouco de novo foi quen de ter o encontro máis controlado entrando no último tramo do encontro con varios balóns soltos na área local que poideron significar a igualada. Unha desafortunada acción tirou por terra calquera esperanza con pouco menos de dez minutos por xogar. Os locais puxeron o 3-1 dende o punto de penalti e xeraron varias claras aproximacións máis nos últimos minutos.